தொழில் ஆலோசனை - எளிய முறையில் ஏற்றுமதி - இறக்குமதி தொழிலை ஆரம்பிப்போம்

தொழில்   ஆலோசனை  -  ஏற்றுமதி   தொழில்

வாருங்கள் ...எளிய  முறையில் ஏற்றுமதி  - இறக்குமதி  தொழிலை    ஆரம்பிப்போம்.

ஏன்  ஏற்றுமதி  செய்ய  வேண்டும் ?

ஏற்றுமதி  செய்வது  எப்படி  என்ற  கேள்வி  ஏற்றுமதி  தொழில் தொடங்க ஆர்வம்  உள்ள  அனைவரும்  கேட்க  விரும்பும்  நியாமான  கேள்வி.

ஏற்றுமதி  செய்வது என்பது எளிது என்று கூறினாலும் அதன் பல உட்கருத்துக்களை  புரிந்து  கொள்வதற்கும்  அதனை  செயல்படுத்துவதற்கு  சற்று  கடினமே.

எனவே  ஏற்றுமதி  வணிகத்தைத்  தொடங்குவதற்கு  முன்பு  ஒரு ஏற்றுமதியாளருக்கு   நிறைய  முன்ஏற்பாடுகள்  தேவைப்படுகின்றன.

ஒரு  ஏற்றுமதி  நிறுவனத்தை  தொடங்கி  அதனை  வெற்றிகரமான  நிறுவனமாக மாற்ற  ஒரு  முக்கிய  அம்சம்  எதுவென்றால்  ஏற்றுமதி  செய்யும்  பொருள் குறித்த  தெளிவான  புரிதல் மற்றும்  அதன்  தயாரிப்பு  குறித்த  விரிவான  அறிவு.

ஏற்றுமதி  தொழிலில்  வெற்றி பெற  அனைத்து  வெளிநாட்டு  சந்தைகளையும் கருத்தில்  கொள்ளாமல்  அதாவது  அனைத்து  நாடுகளுக்கும்  ஏற்றுமதி  செய்ய வேண்டும்  என்ற  எண்ணத்தை  விட்டொழித்து  குறிப்பிட்ட  சில  நாடுகளை மட்டும்  தேர்வு  செய்து  அதன்  சாதக  பாதகங்களை  முழுமையாக  புரிந்து கொள்ள  வேண்டும்.

Also read:- Export Business - Solution for better income

ஏற்றுமதியாளர்கள்  எந்த  நாட்டுக்கு  முன்னுரிமை  கொடுத்தால்  அதிக  லாபமும்  தொடர்  வாய்ப்பும்  கிடைக்கும்  என்ற  கோணத்தில்  சந்தையை அணுக  வேண்டும்.

ஏற்றுமதி  செய்வதற்கு  முன்பு  நம்  வசம்  உள்ள  பொருளை  அனைத்து நாடுகளுக்கும்  ஏற்றுமதி  செய்ய  முடியுமா  என்பதை  தெரிந்து கொள்ளவேண்டும்.  காரணம்  நாம்  அன்றாடம்  பயன்படுத்தும்  சில  பொருள் மற்ற  நாடுகளில்  தடை  செய்யப்பட்டவையாக  இருக்கும்.  ( உதாரணம் : கசகசா ).

சர்வதேச  வர்த்தகம்  மற்றும்  வெளிநாட்டு  வணிகத்துடன்  தொடர்புடைய குறிப்பிட்ட  சட்டங்கள்  இருப்பதால்,  உங்கள்  ஏற்றுமதி  வணிகத்தைத் தொடங்குவதற்கு  முன்,  மாநில,  கூட்டாட்சி  மற்றும்  சர்வதேச  சட்டங்களைப் பற்றி  நீங்கள்  அறிந்து  கொள்வது  கட்டாயமாகும்.

அடுத்ததாக  ஏற்றுமதி  தொழிலில்  'விலை'  முக்கிய   பங்கு  வகிக்கிறது.

எனவே,  ஒரு  ஏற்றுமதி  வணிகத்தைத்  தொடங்குவதற்கு  முன்பு  ஒரு ஏற்றுமதியாளர்  வாங்குபவர்களுக்கு  வழங்கப்படும்  விலையை  மிகவும் கவனத்துடன்  கருத்தில்  கொள்ள  வேண்டும்.

விற்பனை  விலை  ஆதார  விலையைப்  பொறுத்தது  என்பதால்,  செலவை மட்டுமே  சேர்க்கும்  தேவையற்ற  இடைத்தரகர்களைத்  தவிர்க்க  முயற்சி செய்யுங்கள்.  பரிவர்த்தனை  செலவைக்  குறைப்பதற்கும்  இறுதி தயாரிப்புகளின்  தரத்தை  மேம்படுத்துவதற்கும்  இது  நிறைய  உதவுகிறது.

இருப்பினும்,  "ஏற்றுமதி  செய்வது  எப்படி?" ,   ‘ஏற்றுமதி  என்றால்  என்ன’ ,         ‘இந்திய  அரசு  அதை  எவ்வாறு  வரையறுத்துள்ளது’   என்பதை   தெரிந்து கொள்வோம்.

இந்திய   வெளிநாட்டு  வர்த்தகச்  சட்டத்தின்  (1992)  பிரிவு 2 (இ) இன் படி,  ஏற்றுமதி என்ற  சொல்  'நிலம்,  கடல்  அல்லது  வான்வழி  மற்றும்  எந்தவொரு பணத்தையும்  சரியான  முறையில்  பரிவர்த்தனை  செய்வதன்  மூலம் எந்தவொரு  பொருளையும்  இந்தியாவில்  இருந்து  வெளியேற்றும்  செயல்'  என்று  கூறுகிறது.

மிகவும்  எளிமையான  சொற்களில்,  ஏற்றுமதி  என்பது  ஒரு  வெளிநாட்டிற்கு  நம்  பொருட்களை  விற்பனை  செய்வது  என்று  பொருள் கொள்ளலாம்.

ஒரு பொருளை ஏற்றுமதி செய்வது மிகவும்  இலாபகரமான முறையாகும். காரணம்  ஏற்றுமதி  நம் வணிகத்தை விரிவாக்கவும் நாம் உள்ளூர் சந்தையிலேயே  தேங்கியிருப்பதையும்   குறைக்கிறது .

               

ஏற்றுமதி மூலம் புதிய யோசனைகள், மேலாண்மை நடைமுறைகள், சந்தைப்படுத்தல்  நுட்பங்கள் மற்றும் போட்டியிடும் வழிகளை  நாம் கற்று கொள்ள முடிகிறது.  இது  உள்நாட்டு  சந்தையில்  சாத்தியமில்லை.

உள்நாட்டில்  தொழிலை வெற்றிகரமாக நடத்தி கொண்டிருந்தாலும் நாம் ஏற்றுமதி  குறித்து  சிந்திக்க  வேண்டும்.  காரணம் ஏற்றுமதி செய்யும் நிறுவனங்கள்  உள்நாட்டில்  உள்ள தம் சக போட்டியாளர்களை விட அதிக வருமானம்  ஈட்டுவதாக  புள்ளிவிவரம்  கூறுகிறது.

இனி   வரும்  நாட்களில்  ஏற்றுமதி  தொழில்  எளிய  முறையில்  தொடங்குவது எப்படி  என்பதை  பற்றி  விரிவாக  பார்ப்போம்.

Also read : 

Business ideas 2020

Most Profitable Internet Business To Start In India 2020